Las resinas termodurcissablas alquidas o gliceroftalicas son utilizadas coma ligants dins lo domènis de las pintura e vernisses. Son de poliestèrs saturats tridimensionals modificas (melhorats) per apond d’acids grases de cadena longas (sota la forma de triglicerids) e d’autres ingredients (coma la colofònia, per aumentar la flexibilitat, e las resinas aminoplastas). Lo tèrme « alquid » ven de la contraccion dels mots alcòl e acid.

Ret realizat per durciment al forn d’una resina gliptal convencionala.

En 1901, Watson e Smith estudièron la policondensacion entre l’acid ftalic (bivalent) e lo gliceròl (trivalent). Mas, lo polimèr resultant manca de soplesa. En 1914, Kienle modifica la resina poliestèr per d'acids grases. La resina alquida realizada mòstra de bonas proprietats de film[1]. Las primièras resinas alquidas son vendudas en 1926 jol nom comercial de Glyptal pr General Electric[2].

TipologiaModificar

Segon lo taus en òli, nomenat « longor d’òli », calculada en percentatge de triglicerid, se destria las resinas alquidas:

  • cortas en òli: longor d’òi de 30 a 45 %. L’exemple tipic es aqueste de las resinas alquidas associadas a las resinas aminoplastas; la mescla polimèra durcís al forn;
  • mejana en òli: longor d’òli de 45 a 56 %. L’òli de sòja es la mai utilizada;
  • longors en òli: longor d’òli de 56 a 70 %. Las òlis de lin e de sòja son las mai utilizadas. Lo secatge d'aquestas pinturas es mens rapid que dins lo cas precedent.

SecatgeModificar

I a doas possibilitats de durciment del revestit:

  • l’acid gras es insaturat (òlis de lin, sòja, òli de cartam, fusta de china, oïticica,Modèl:Etc.): lo « secatge » (reticulacion) per oxidacion a l’aire es possible en preséncia dels sicatius que cal;
  • mens frequent, l’acid gras es saturat o l’òli presenta un taus important en acids gras saturats (òli de cocòt, òli de palma, acids laurics, palmitic, stearic,Modèl:Etc.): lo secatge a l’aire es impossible (cas d’una òli non sicativa). S'associa donc aquestas resinas alquidas soplas mas lentas de durcir a d’autras resinas termodurcissablas. Lo secatge se fa al forn a 140 140 °C pendent 30 min, per exemple. Las lacas de las carroçariás automobilas son sovent de resinas alquidas associadas e de resinas aminoplastas. Resistisson plan al mal temps.

UtilizacionModificar

Las pinturas « glicerò » an largament remplaçat las pinturas a l’òli dins lo domèni de la pintura de las parets. Fa l'aspècte lis e plan decoratiu, resistisson fòrça a l’umiditat, e pòdon èsser netejadas. Mas, prenon de temps a secar, an una odor fòrta, e de mandan de white spirit per netejar.

ReferénciasModificar

  1. (en) [PDF] F. S. Güner, Y. Yağcı et A. T. Erciyes, Polymers from triglyceride oils, Prog. Polym. Sci., vol. 31, issue 7, juillet 2006, Elsevier Science, p. 638, (DOI:10.1016/j.progpolymsci.2006.07.001)
  2. (en) Museum of Fine Arts, Boston, Material Name: alkyd resin, 8 septembre 2010 (consulté le 20 mai 2012).

Vejatz tanbenModificar