1294

1294
Descobridor o inventaire
Data de descobèrta
Contrari
Color
Simbòl de quantitat
Simbòl d'unitat
Proprietat de
Fondador
Compren
Data de debuta
Data de fin
Precedit per
Seguit per
Coordenadas
Ans : 1291 1292 1293  1294  1295 1296 1297 Decennis : 1260 1270 1280  1290  1300 1310 1320 Sègles : Sègle XII  Sègle XIII  Sègle XIV Millennis : Millenni I  Millenni II  Millenni III Cronologias tematicas : Autres calendièrs : Roman • Chinés • Gregorian • Ebrieu • Indó • Musulman • Persan • Republican

Aquesta pagina concernís l'an 1294 del calendièr gregorian.

Eveniments

Euròpa

Empèri Bizantin

Representacion d'Andronic II Paleòleg e de Miquèu IX Paleòleg sus una pèça d'argent bizantina.

Dins lei Balcans, la guèrra destinada a empachar la renaissença de la poissança angevina s'acabèt en causa de l'afebliment generau dei combatents. D'efèct, en despiech de sei victòrias de l'annada precedenta, la coalicion anti-bizantina foguèt victima de divisions intèrnas grèvas e poguèt pas contuniar la guèrra. De son caire, lo govèrn bizantin insistèt e assaièt — sensa succès vertadier — d'aprofichar diplomaticament aquelei crisis.

Elegit patriarca de Constantinòple lo 1^èr de genier a la seguida de la crisi entraïnada per la politica anti-corupcion d'Atanasi I^èr, Joan XII Kosmas amaisèt lo clima de crisi religiosa quasi permanenta de l'Empèri. D'efèct, s'opausèt rapidament a la politica de l'emperaire Andronic II Paleòleg (1282-1328). En particular, refusèt d'acceptar una lèi proclamant l'anatèma còntra tota persona participant a un complòt còntra l'emperaire.

D'autra part, Miquèu IX Paleòleg, fiu de l'emperaire, foguèt nomat coma coemperaire. En causa de sa mòrt en 1320, uech ans avans son paire, reinèt jamai solet. Pasmens, aguèt de competéncias importantas au sen dau govèrn, especialament regardant leis afaires militars. Aquò entraïnèt una evolucion ja acomençada durant lo rèine precedent : pauc a pauc, lo centralisme bizantin dispareguèt au profiech d'un partiment dau poder entre plusors caps de la dinastia dei Paleòlegs.

Principat de Moscòu

En causa la mòrt de son fraire Dmitri de Pereslav, raprochament dau prince Danièl de Moscòu (1263-1303) ambé Mikhail de Tver e Ivan de Pereslav. L'objectiu d'aquela aliança èra de s'aparar còntra la poissança de Novgorod.

Africa

Etiopia

Mòrt dau negus Yagbea-Sion (1285-1294). A sa mòrt, lei relacions entre Etiopia e leis estats musulmans locaus èran vengudas melhoras. De marchands musulmans èran en contacte regular amb Etiopia, çò qu'aviá permes d'integrar l'Empèri ai rets comerciaus de la Mar Roja. Ansin, Etiopia conoguèt un periòde de creissença e de prosperitat economicas de dos sègles. En revènge, la succession dirècta de Yagbea-Sion es mau coneguda mai sembla trebolada ambé cinc sobeirans entre 1294 e 1299. Premier, Senfa Ared IV (1294-1295), qu'èra probablament son fiu, li succediguèt.