Lo Zeus faber es una espècia de peisses de la familha dels Zeidae. Es tanben nomenat peis de Sant Pèire (quitament s'aquel tèrma designa tanben, mas de biais mens corrent, doas autras espècias de peisses) o encara gal de mar. Lo Zeus faber se noirís de peisses vivent en grops (sardinas, arencs pichons) e de cefalopòds[1].

Descripcion modificar

 
Zeus faber - esqueleta mnhn Paris

Lo peis es de còs naut e prim. Es marcat d'une taca circulària escura suls flancs. Pòt mesurar fins a 70 cm e pesar fins a 20 kg. La primièra aleta dorsala es constituida de rais espinós alongats. De bòças espinosas son a la basa de las aletas dorsalas e analas[1].

Origina religiosa del nom modificar

La legende dit que Sant Pèire, apostòl de Jèsus, puèi primièr evèsque de la cretientat, trapèt un jorn lo peis sus òrdre del Crist per tirar de sa boca una pèça d'aur. La marca de son poce demorèt e se perpetuèt amb las generacion. De fait, lo peis pòrta totjorn de puntàs negras suls flancs. Aquela legenda se trapa dans la Bíblia (per ex. Mat 17.27) pasmens se la mar de Galilèa siá pas l'abitat natural del sant peire.

Reparticion e abitat modificar

Es un peis de nauta mar que viu subretot dins l'ocean Atlantic de Norvègia fins a las costats oèst d'Africa, en mar Mediterranèa e mar Negra[1]. Viu solitar o en pichons grops suls fonds sabloses del plan continental.

Alimentacion modificar

Es un peis que caça al pòst e se noirís de pichons peisses, sépias e de crustacèus. Se desplaça puslèu lentament ondulant sas grandas aletas dorsalas e analas. En ivèrn, intra en mar del Nòrd a la recerca de noiritura.

Reproduccion modificar

Groa mai sovent de junh fins a agost dins lo golf de Gasconha, en mar Celtica, mar d’Irlanda e Mediterranèa. La fecondacion se fa de mai a agost segon lo climat. Los uòus contenon una goteta d'òil que los fa flautar. Aprés l'espelida, las larvas vivon liura dins l'aiga[1],[2].

Metòde de caça modificar

Se pòt veire lo Zeus faber s'aprochar de sa presa nadant lentament sul costat. Dins aquela postura, sa morfologia fa que la presa lo vei vertical mas fòrça mai pichon que n'es. Quand es pro pròche, Zeus faber se geta sus sa victima qu'atal aviá enganada.

Pèsca modificar

Aquel peis de carn fòrça bona, es present en quantitat tròp flacas sus las còtas per lo cercar especificament. Pica l'esca carnada e los calamars. Es sovent pres dins los chaluts.

Talhas minim de captura modificar

Malhas legalas per França modificar

La malha pel sant pèire, es a dire la talha legala de captura pels pescaire profesionals o non es fixada en Mediterranèa[3], en Atlantic[4]. Las talhas minim legalas[5] son fixadas en França per l'arrestat del 16 de julhet de 2009 determinant la talha minimala o lo pes minim de captura e de desbarcament dels peisses e autres organismes marins e tanben per fòrça autres tèxtes de referéncias[6] de la Comunautat Europèa.

Malhas biologics modificar

La malha biologica, es a dire la talha que 100 % dels sant pèires se sont reproduits es de 37 cm.

Cosina modificar

 
Sant pèire dins una peissonariá

Lo sant pèire es un dels peisses intrant dins la composicion de la bolhabaissa tradicionala de Marselha.

Notas e referéncias modificar

  1. 1,0 1,1 1,2 et 1,3 (fr)Le Monde animal en 13 volumes éd. par B. Grzimek, t. V : Poissons 2 Amphibiens, chapitre I par Werner Ladiges, p. 21-22, Éd. Stauffacher, Zurich, 1974 ISBN 3287002066Error d'escript : lo modul « check isxn » existís pas.
  2. (fr)Revista Produits de la mer, numéro 115
  3. PDF (fr)fcsmpassion.com. . Mailles por la Méditerranée.
  4. PDF fcsmpassion.com. . Mailles pour la Manche, l'Atlantique et la mer du Nord.
  5.  Référentiel "Tailles minimales de capture et calibres de commercialisation" . FranceAgriMer.
  6. PDF  Liste des textes de référence. FranceAgriMer.

 

Wikimedia Commons prepausa de documents multimèdia liures sus Zeus faber.

Ligams extèrnes modificar