Zaglossus ramsayi
Megalibgwilia foguèt un genre d'equidna que visquèt en Austràlia pendent lo Miocèn abans de desaparéisser ara fa aperaquí 50 000 ans. Lo genre amassa las dos espècias d'equidna mai ancianas.
Lo celèbre paleontològ Richard Owen foguèt lo primièr que descriguèt lo genre Megalibgwilia, amb lo nom de Zaglossus ramsayi ja en l'annada 1884[1].
Descripcion modificar
Aprés la descripcion de Richard Owen, basada sus un solet femur de l'esquèrra, divèrses crans de Megalibgwilia foguèron descobèrts dins plusors caunas de Naracoorte Caves, a Austràlia meridionala e tanben dins de caunas situadas a Wellington Caves, a Nòva Galas del Sud.
Sovent descrich coma un equidna gigant, d'efièch faguèt aperaquí las meteissas mesuras que Zaglossus bruijni, l'equidna de nas long que demòra uèi lo jorn a Nòva Guinèa. Megalibgwilia aguèt, pasmens, una avantbraç un pauc mai long que lo sieu cosin modèrn[2]. L'animal faguèt 75 cm de longor.
L'espècia M. robusta de Nòva Galas del Sud es la pus anciana espècia d'equidna coneguda e la soleta que visquèt pendent lo Miocèn[3].
Paleobiologia modificar
Megalibgwilia foguèt, çò de mai segur, insectivòr, coma l'equidna de nas cuèrt. Minjava d'insèctes e pas de vèrmes, cossí fan los equidnas de bèc rond actuals.
Referéncias modificar
- ↑ (en) P. Owen, « », Proceedings of the Royal Society of London, vol. 36, nos 228–231, 1883, p. 4 (DOI 10.1098/rspl.1883.0073, JSTOR 109445, legir en linha [archive])
- ↑ (en) Long, J., Archer, M., Flannery, T. and Hand, S. 2002. Prehistoric Mammals of Australia and New Guinea: One Hundred Million Years of Evolution. Johns Hopkins University Press. pp 45-47. (ISBN 0-8018-7223-5)
- ↑ (en) M. Griffiths, R.T. Wells et D.J. Barrie, « », Australian Mammalology, vol. 14, 1991, p. 87–101