Triana
Triana es un grop de ròck progressiu espanhòl originari de Sevilha (Espanha). Es estat format en 1974 per Jesús de la Rosa Luque (au cant e aus clavièrs), Eduardo Rodríguez Rodway (a la guitarra) e Juan José « Tele » Palacios (a la batariá). Lors tres primièrs albums son retrospectivament considerats coma de caps d'òbras del ròck progressiu espanhòl, quitament se venon vertadièrament populars amb los dos seguents (Un encuentro e Un mal sueño), obtenent lor primièr n°1 amb la cançon Tu frialdad en 1980 sonque.
Lo 14 d'octobre de 1983, Jesús de la Rosa defunta dins accident de la rota, çò qu'arrèsta còp-sèc l'activitat del grop.
Pasmens, en 1994 Juan José « Tele » Palacios pren la decision polemica de « reformar Triana », mas ambe de musicians novèls. E quand defunta a son torn en 2002, los membres totjorn actius d'aquel Triana segonda version decidisson de contunhar lor activitat ambe aquel nom, una decision logicament criticada pel darrièr dels membres originals encara en vida, Eduardo Rodríguez Rodway[1].
Triana es tot simplament lo nom d'un barri de Sevilha.
Discografia modificar
Cançons mai conegudas modificar
- Abre la puerta (1975)
- En el lago (1975)
- Tu frialdad (1980)
- Un nido en mi ventana (1981)
- Una noche de amor desesperada (1981)