Sterkfontein ei ua amassada de caunes d'arroques caucinoses d'un interes especial tàs antropològs e ei plaçada na provincia de Gauteng, a 40 Km ath nòrd-èst de Johannesburg, Sud-Africa, en eth airal de Muldersdrift e ei proche ara vila de Krugersdorp. Es sitis arqueoligics de Swartkraans (Afrikaaans tà Bauç Nere) e Komdraai (Afrikaans e olandés tà malaisit) e era Cauna de Wonder se trapen tamben en eth madeish airal. Sterkfontein ei un loch qu'aparten as Lochs d'Eretatge Mondiau e siguec declarat atau en er an 2000. Aguest airal siguec aperat Breç dera Umanitat (1)(2). S'an trapat nombrosi restes ominines pendent es darrières decades. Aguestes an sigut atribuïdes a Australopithecus africanus, Homo joen e Paranthropus.

Sterkfontein qu'ei un des jadiments més rics dera Tèrra en ominids

Era istòria dera recerca modificar

Es escavaments des caunes començéc en es annades 1890 per minaires d'arroques caucinoses que reportaren sus diuersi fossils e es menaren enquia cridar era atencion des scientifics.

Siguec pas enquia 1936 qu'es estudiants deth professor Raymond Dart e Robert Broom, dera Universitat de Witwatersrand, començaren es escavaments. En 1936, enes balmes d'Sterkfontein, se vedec que contenien eth prumèr adult Australophitecin e se demostrec açò que Raymond Dart auia ja dit: Qu'eth crani deth mainatge de Taung ( un Australopithecus africanus) erá un ancessor uman.

I aguec ua pausa en es escavaments pendent era Dusau Guerra Mondiau e dempús aguesta eth doctor R. Broom contunhéc es escavaments. En 1947 trapéc un crani complet d'un adult hemella (StS S5) d'Australopithecus africanus ( o un mascle joen). Robert Broom aperec en aqueth moment eth crani coma Plesianthropus toansvaalensis (gaireben uman deth Transvaal) més siguec més conegut coma Mrs Ples. Adara se sabe qu'ei un Australopithecus africanus.

En 1997 ua esqueleta gaireben completa d'ua dusau especie d'Australopithecus (StW 573)siguec trapada en aguestes caunes per Ronald J. Clarke. Er estradiment des rèstes enquera se hé aué. Era esqueleta siguec aperada Little Food o Petit Pè (pr'amor qu'es prumères partides sigueren es ossi d'un pè). Es escavaments cotunhen enquia aué e s'an trapat ja uns 500 ominids. Atau, Sterkfontein qu'ei eth loch més ric de tot eth monde en ominids ancians.

Era Fondamenta Scientifica Paleoantropologica )PAST) (3) ei ua fondamenta sens profieches fondada en 1993 e qu'esponsoriza eth 90% des recerques hetes en Sterkfontein e a estat clau en eth nomenament coma Loch d'Eretatge Mondial.

Depaus dab dates modificar

 

Es depaus de Member 4 contenen fossils d'Australopithecus africanus qu'an estat datats per paleomagnetisme (4), ressonancies electriques e tamben dab metodes d'urani e plaçen aguesti enter 2,6 e 2 milions d'annades (5). Eth fossil d'Australopithecus africanus StS 5 (Mrs. ples) ei d'enter 2,2 e 2 Ma. Era esqueleta StW 573 (Petit Pè) ei plaçát enter 2,3 e 2,2 Ma. Un depaus més joen (StW 53) ei d'enter 1,8 a 1,5 Ma. Aguest a sigut descrich coma Homo habilis o naua especie Homo gautengensis (6). Pas d'otís de pèira sigueren trapades dab aguest fossil. Totun, se cre qu'era madeish esqueleta a de senhes de talhs (7). Member 5 conten otís de pèira der Oldovaian e der Acheulian e tamben individús Homo e Paranthropus detats enter 1,6 e 1,1 Ma.

Referéncies modificar

1.- 9/2/233/0004 - Sterkfontein Caves, Zwartkrans, Krugersdorp District". South African Heritage Resources Agency. Retrieved 16 September 2013.

2.-Fossil Hominid Sites of Sterkfontein, Swartkrans, Kromdraai, and Environs". UNESCO. Retrieved 2 June 2011.

3.-Palaeo-Anthropology Scientific Trust". Retrieved February 2011.

4.- by Andy Herries, La Trobe University, Australia

5.- Herries et al. 2010 and Pickering & Kramers 2010

6.- Curnoe 2010

7.- Pickering, Clarke & Heaton 2004

Bibliografia modificar

º Curnoe, D. (2010). "A review of early Homo in southern Africa focusing on cranial, mandibular and dental remains, with the description of a new species (Homo gautengensis sp. nov.)". HOMO — Journal of Comparative Human Biology (61): 151–177. doi:10.1016/j.jchb.2010.04.002. PMID 20466364.

º Herries, A.I.R.; Hopley, P.J.; Adams, J.W.; Curnoe, D.; Maslin, M.A. (December 2010). "Letter to the editor: Geochronology and palaeoenvironments of Southern African hominin-bearing localities—A reply to Wrangham et al., 2009. "Shallow-water habitats as sources of fallback foods for hominins"". American Journal of Physical Anthropology 143 (4): 640–646. doi:10.1002/ajpa.21389.

º Pickering, T.R.; Clarke, R.J.; Heaton, J.L. (2004). "The Context of Stw 573, an early hominid skull and skeleton from Sterkfontein M2: taphonomy and palaeoenvironment". J. Hum. Evol. (46): 277–295. doi:10.1016/j.jhevol.2003.12.001.

º Pickering, R.; Kramers, J.D. (2010). "Re-appraisal of the stratigraphy and determination of new U-Pb dates for the Sterkfontein hominin site, South Africa". Journal of Human Evolution (59): 70–86. doi:10.1016/j.jhevol.2010.03.014. PMID 20605190.