Sistèma expèrt
Un sistèma expèrt es un logiciau d'intelligéncia artificiala capable d'imitar lei mecanismes cognitius d'un expèrt e de respòndre, dins un domeni particular, a questions en realizant un rasonament a partir d'una basa de donadas, d'un ensemble de règlas conegudas e d'un motor d'inferéncia. Pòu servir per accelerar e facilitar una presa de decision. Lo premier sistèma d'aqueu tipe, Dendral, foguèt editat en 1965[1]. Pasmens, lei sistèmas expèrt son venguts pus nombrós dempuei leis ans 1990 amb d'aplicacions mai e mai importantas (motors de recèrca, videojòcs, programa d'ajuda a la decision...).