Lo Sikhisme, o Sikhi, es una religion creada au sègle XV dins lo nòrd d'Índia. Es a l'ora d'ara la cinquena religion per nombre de cresents, amb unes 30 milions de practicants, darrièr del Cristianisme, l’Islam, l'Indoïsme e lo Bodisme.

Nishan Sahib.

Lo Sikhisme se desvolopèt a l'entorn de l'ensenhament espiritual del Guru Nanak, lo primièr guru entre los 11 gurus sikh. Lo segond guru, Gobind Singh, nomenèt abans de sa mòrt lo Guru Granth Sahib, lo libre que recuèlh l'ensenhament espiritual sikh, coma son successor que lo convertiguèt en lo darrièr e etèrn guru dels sikhs.

La religion sikh se desvolopèt dins un contèxt de persecucion religiosa. De fach, las autoritats mogòls avián torturat los gurus Arjan e Tegh Bahadur que se volguèron pas se convertir a l'Islam. Aqueles eveniments inspirèron la creacion del Khalsa, l'òrdre de chevalerie sikh dont la tòca es de garantir la libertat de consciéncia e de religion al Guru Gobind Singh.