Robèrt Lassala

Joan Robèrt Lassala (en francés Robert Lassalle; Soston, 2 de junh de 1882 – Chémery-sur-Bar, 14 de mai de 1940) èra un politician occitan que foguèt Deputat de Lanas de 1924 a 1940 e Ministre de las pensions durant qualques meses de 1938. Moriguèt durant una batalha de la Primièra Guèrra Mondiala.

Retrach de Robèrt Lassala en 1929

Biografia

Robèrt Lassala nasquèt en 1882 dins una familha de notables de Soston. Èra lo filh d'un notari qu'èra estat cònsol e conselhièr general del vilatge. Faguèt d'estudis de drech e aprèp que venguèt doctor passèt lo concors de redactor al Ministèri de las Finanças. Capitèt e s'endralhèt dins una carrièra que lo portèt a èsser cap de burèu. Lo començament de la guèrra en 1914 interrompèt la tranquillitat e a mai que foguèsse estat reformat per encausa qu'aviá perdut un uèlh, s'engatgèt en agost de 1914 coma simple soldat dins lo 49n regiment d'infantariá e demandèt a partir sulpic al front. Foguèt nafrat durant la batalha de Marne. Li foguèt donada una segonda citacion en seguida de la Batalha de Verdun e recebèt la promocion de soslòctenent. Tornèt èsser nafrat al Chemin des Dames en mai de 1917 e puèi foguèt fach presonièr sul plan de Craonne. Recebèt la Crotz de guèrra e la Legion d'onor coma reconeissença de son coratge.

Conselhièr municipal de Soston e conselhièr general, ganhèt las eleccions e venguèt deputat de Lanas l'11 de mai de 1924 sus la lista democratica d'union republicana radicala e radicala-socialista constituïda amb L. Boisson, P. Deirís et G. Lalana, deputats sortents, que prenguèt los quatre sètis del departament a la majoritat absoluda.