Polibasita
La polibasita es un minerau de color negre ò roge cerieisa. A una duretat de 2,0-3,0 e una densitat de 6,0-6,2. Es format de sulfo-antimòniüre d'argent e de coire (simbòl quimic : (Ag, Cu)16Sb2S11) cristallizat segon un sistèma monoclinic de classa prismatica. Dins la natura, aquelei cristaus an un habitus tabular pseudoexagonau. Son esclat es metallic.
La polibasita se troba generalament dins de venas idrotermalas de temperatura bassa. I es associat ambé d'autrei sulfurs e de mineraus de ganga. Es un minerau argentifèr que son esplecha es limitada en causa de sa raretat.