Piran (en eslovèn) o Pirano (en italian) qu'ei ua comuna d'Eslovènia situada en Ístria, e ua de las pòcas localitats eslovènas suu bòrd de la mar Adriatica. La municipalitat qu'ei oficiaument bilingua eslovèn e italian.

La plaça centrau de Piran, au miei de la quau e's quilha ua estatua de Tartini.

La lenga de la vita vitanta qu'ei l'eslovèn, çò qui's deu a ua emigracion massiva deus italians arron la victòria de Tito e a ua immigracion massiva d'eslovèns e de monde de las autas republicas d'ex-Iogoslavia, mes la coneishença de l'italian qu'ei parièr hèra espandida en per'mor de la proximitat de la frontèra e deus ligams dab l'Italia (torisme italian dens lo parçan, audiéncia de las cadenas de television italianas).

Qu'ei a Piran qui nascó lo violonista Giuseppe Tartini.

A l'òra d'ara (2008) que compta uns 17 400 abitants.

Las masadas de Piran son Dragonja (Dragogna), Lucija (Lucia), Nova vas nad Dragonjo (Villanova), Padna (Padena), Parecag (Parezzago), Piran (Pirano), Portorož (Portorose), Seča (Sezza), Sečovlje (Sicciole), Strunjan (Strugnano) et Sveti Peter (San Pietro dell'Amata).

Galariá modificar

Ligam extèrne modificar