Parlament Flamenc

Lo Parlement flamand (Het Vlaams Parlement en neerlandés, a l'origina Cultuurraad voor de Nederlandse Cultuurgemeenschap) es l'assemblada legislativa de la Comunautat flamanda e de la Region flamenca de Belgica. L'exercici de las competéncias de la Region flamenca foguèron transmesas a la Comuautat flamenca. Lo Parlament flamenc legifèra donc a l'encòp dins las matèrias comunautàrias, que s'aplican sul territòri de la Region flamenca e de Brussèlas-Capitala, e dins las matèrias regionalas, que s'applican pas que sul territòri de la Region flamenca.

Lo Parlament flamenc ocupa un imòble omonim situat al còr de la vila de Brussèlas. La localizacion del Parlament flamenc dins la capitala bèlga, situada fòra de la Region flamenca, pòt paréisser estranh, mas se justifica qu'aquel parlament es pas sonque regional mas tanben comunautari, e que la Comunautat flamenca plan exercís de poders sul territòri de las 19 comunas de Brussèlas-Capitala, reconeguda region linguistica bilenga per la Constitucion bèlga. Cal notar que lo Parlament de la Comunautat francesa es tanen situat a Brussèlas.

Los parlementaris modificar

Lo Parlament flamenc es elegit cada cinc ans. Pòt pas èsser disolgut abans la fin de la legislatura. Las primièras eleccions dirèctas al Parlament flamenc se debanèron lo 21 de mai de 1995. La refòrma de l'Estat de 2001 donèt als Brusseleses neerlandofòns la possibilitat d’elire dirèctament los sièis deputats los representant al Parlament flamenc. Aquò se debanèt pe primièr còp per las elccions comunautàrias e regionalas de 2004.

Lo Parlament flamenc compte 124 deputats elegits al vòte universal dirècte: 118 deputats en Region flamenca e e 6 deputats en Rrgion de Brussèlas-Capitala.

Partits politics al Parlament flamenc modificar

En junh de 2014, cadun dels 124 deputats es membre d’un dels 7 partits politics seguents:

Nieuw-Vlaamse Alliantie (N-VA), conservators-nationalistas flamencs, 43 deputats
Christen-Democratisch en Vlaams (CD&V), democrats-crestians flamencs, 27 deputats
Open Vlaamse Liberalen en Democraten (OpenVLD), liberals, 19 deputats
Socialistische Partij Anders (sp.a), socialistas, 18 deputats
Groen, ecologistas, 10 deputats
Vlaams Belang (VB), nacionalistas flamencs de drechaextrèma, 6 deputats
Union des francophones (UF), grop dels francofòns del Brabant flamenc, 1 deputat