Ovidi Montllor
Ovidi Montllor i Mengual (Alcoi, 4 de febrièr de 1942 - Barcelona, 10 de març de 1995) foguèt un cantaire, autor-compositor e actor valencian. Personalitat anticonformista e de tendéncia anarquista, foguèt partida del movement de la Nòva Cançon catalana. Malgrat sa vida corta, que moriguèt en 1995 a l'edat de 53 ans d'un cancèr de l'esofag, sa trajectòria artistica foguèt fòrça rica amb 12 disques editats, un cinquantenat de participacions a de films entre d'autres.
.jpg)
Biografia modificar
Ovidi Montllor nasquèt en 1942 a Alcoi, una vila mejana mas pionièra industrialament del País Valencian, al sen d'una familha modèsta d'obrièrs textils d'origina pagesa. Per encausa de sa santa frèula, se farguèt en autodidacta en se formar culturalament e intellectualament primièr gràcias als libres qu'un oncle, constrench a l'exili, aviá laissat a l'ostal. Aguèt de sortir de l'escòla quand aviá pas encara passat los 12 ans pr'amor de las dificultats economicas de la familha. Ainat dels tres enfants de l'ostalada, li calguèt trabalhar per ajudar los parents e aprenguèt aital 36 mestièrs diferents coma mecanician, vendeire ambulant, obrièr textil, pastor, picapeirièr, jornalista o mai comptable.
Sa vocacion artistica se faguèt sentir tre 1962 quand integrèt lo grop teatral La Cazuela, d'Alcoi. Qualque temps mai tard, quand avib 24 ans, se n'anèt a Barcelona, ont trabalhèt amb de grops de teatre independents, coma lo del CICF, e mai tard amb las Companhiás de Núria Espert e Adrià Gual. En 1968 comencèt lo mestièr de cantaire, sovent acompanhat de Toti Soler, amb sa musica pròpria facha a partir de tèxtes de Salvador Espriu, Vicent Andrés Estellés, Pere Quart e d'el meteis. Demest les seunas pèças musicalas mai popularas se destacan:
- La samarreta
- La fera ferotge
- Homenatge a Teresa
- Perquè vull
- L'escola de Ribera
Cinc meses abans, sa vila natala Alcoi li aviá porgit un omenatge emocionant.
Filmografia modificar
Un autre domeni onte Ovidi se distinguiguèt es lo cinèma. Joguèt dins los filmes seguents:
Discografia modificar
- La Fera ferotge / Cançó de les balances (EP 1968)
- Història d'un amic / La fàbrica Paulac (EP 1969)
- Sol d'estiu / Ell (senzill 1971)
- Un entre tants... (1972)
- Crònica d'un temps (1973)
- A Alcoi (1974)
- Salvat-Papasseit per Ovidi Montllor (1975)
- Ovidi Montllor a l'Olympia (1975)
- De manars i garrotades (1977)
- Bon vent... i barca nova! (1979)
- Ovidi Montllor diu 'Coral romput' (doble 1979)
- 4.02.42 (1980)
- Ovidi Montllor... per sempre (recopilatori pòstum 1995)
- Antologia (13cd 2000)