Nintendo
Nintendo Company, Limited (任天堂株式会社 Nintendō Kabushiki-kaisha) (NASDAQ : NTDOY.PK) es una entrepresa multinacionala fondada en 1889 per Fusajiro Yamauchi pròche Kyoto en Japon.
Istoric modificar
Au començament, la societat produsiá de cartas de jogar japonesas : lei hanafudas. Partent deis annadas 1960, comencèt de diversificar seis activitats en produsent de joguets, d'arrís instantanèus, la gestion d'una companhiá de taxi... Partent deis annadas 1980, Nintendo decidiguèt d'investir lo mercat dei consòlas e dei juecs vidèos. A l'ora d'ara, es una dei pus gròsseis entrepresas d'aqueu sector : en 2005, Nintendo es classificat premier editor de juecs vidèos en Japon e segond ais Estats Units. Au premier de decembre 2005, Nintendo vendèt 387 milions de consòlas e 2,2 miliards de juecs vidèos dins lo monde. Encuei, son 3000 personas que trabalhan per Nintendo, a mitat repartidas entre la concepcion materiala e la concepcion logiciala, çò qu'es pron pauc en comparason dei sieus rivaus sus lo mercat dau juec vidèo, Sony e Microsoft.
Lei consòlas Nintendo modificar
La Famicom (nom japonés) ò Nintendo Entertainment System (nom occidentau que son acronim es NES) modificar
Premiera consòla de salon Nintendo. Arribada en 1983 en Japon puei en 1986 en Occident.
La Game Boy e sei derivats (Game Boy Pocket, Game Boy Color, Game Boy Advance, Game Boy Micro) modificar
Premiera consòla portadissa de Nintendo. Sortiguèt en 1989 en Japon. Conoissèt puei d'evolucions fins 2004 ambé la sortida de son darrier modèl, la GameBoy Micro.
La Super Famicom (nom japonés) ò Super NES (nom american) ò Super Nintendo (nom europèu) modificar
Consòla de salon 16 bits que sortiguèt en 1990.
La Nintendo 64 modificar
Consòla de salon 64 bits que sortiguèt en 1996.
La GameCube modificar
Consòla de salon 128 bits que sortiguèt en 2001.
La Nintendo DS e la Nintendo 3DS modificar
La nòva generacion de portadissas de Nintendo. Per lo premier còp, una consòla de juec possedís un ecran tactil. Sortiguèt en 2004.
La Wii modificar
La cincau consòla de salon de Nintendo. Son sistèma de contraròtle a la particularitat d'aver per lo premier còp sus una maquina "familiala" una deteccion dei movements dau jogaire que fonciona ambé de tecnologias coma la giroscopia e leis acceloromètres. Sortiguèt en 2006.
La Wii U modificar
La sheisau consòla de salon de Nintendo serà comercializada lo 30 de noveme 2012. Lo design s'apròcha de la Wii, e la poténcia serà un chic mei eslevada que la de las Xbox 360 e PlayStation 3. Totun, coma d'acostuma, Nintendo de diferenciarà per un gameplay inovant. La navèra maneta, lo GamePad Wii U integrarà un giroscòp, una camerà faciau e una camerà au darrèir, un escran tactil de 6,2 poces, e la possibilitat de començar lo jòc sus la television e d'ic contunhar sus l'escran de la maneta.
La Nintendo Switch modificar
Lei juecs Nintendo modificar
La popularitat dei consòlas de juecs de Nintendo a de veire tanben ambé lei prestigiosas licéncias que sachèt fabregar lo gigant japonés de lòng de son istòria. Cada consòla nòva es l'escasença per Nintendo de desvelopar una nòva iteracion de sei personatges. Despuei Donkey Kong fins ai Pikmin en passant per Mario (lo personatge mai famós), Zelda e Metroid, leis univèrs de la firma dau plombier (que Nintendo es ansin escais-nomat estent que Mario es un plombier) son fòrça diversificats.