Nicola Sirkis
Nicolas Henri Didier Sirchis, dich Nicola Sirkis, nascut en França lo 22 de junh de 1959 a Antony (Region Parisenca), es un autor, compositor e cantaire francés.
Es mai que mai conegut coma menaire del grop de ròck francés Indochine.
Nicola Sirkis es lo fraire besson de l'ancian guitarrista del grop Indochine, Stéphane Sirkis, mòrt lo 27 de febrièr de 1999 d'una epatiti C. A tanben un autre fraire, Christophe.[1]
De soca francesa per sa maire, Michèle Henry, originària de Lorena, la familha pairala de Nicola es josieva russa : a fugit en 1933 l'antisemitisme de Chișinău (capitala de la Bessaràbia, ara de Moldàvia), e es venguda alavetz se refugiar en Occitània, a Tolosa, après qualquas annadas passadas en Palestina.
Jean Sirchis (1925-2021), paire de Nicola, Stéphane e Christophe, escapa de pauc a una rafla en Occitània pendent la Segonda Guèrra mondiala : ven alavetz pauc de temps après comunista, puèi dintra dins la resisténcia dins l'Albigés.
Mentre que Nicola e Stéphane an pas que dos ans e demòran a Igny (Region Parisenca), lor familha muda a Brussèlas (Belgica) ont lor paire trabalha coma engenhaire quimista.
Nicola Sirkis a 12 ans quand sos parents divòrçan : se retròba alavetz pensionari al collègi Sant Joan-Baptiste de-la-Sala a Estaimpuis (Belgica). Dos ans mai tard, sa maire, tornada en Region Parisenca, recupèra sos tres mainatges (Nicola, Stéphane e Christophe) a Châtillon, en França.
Nicola Sirkis afirma a l'adolescéncia èsser estat fòrça perturbat pel divòrci de sos parents, aver un pauc cabussat a un moment dat dins la dròga e l'alcoòl, e qu'es estat mantuns còps renviat de sos establiments escolars. Comola alavetz son mal-èsser en se refugiant dins la musica, en particular la eissida del moviment punk e post-punk, escota mai que mai grops britanics coma The Cure, The Stranglers o los Clash.
En decembre de 1980, encontra lo guitarrista Dominique Nicolas dins lo grop Los Espions. Se legan d'amistat e fondan alavetz lo grop Indochine amb un amic saxofonista comun, Dimitri Bodiansky. Lèu, Stéphane, lo fraire besson de Nicola, intègra lo grop, que ven l'un dels mai populars en França dins las annadas 80, e uèi encara.
Pendent una baissa de popularitat d'Indochine dins las annadas 90, Nicola Sirkis enregistra un album sòlo de represas, Dans la lune... (Dins la luna), amb l'ajuda d'Édith Fambuena del grop Los Valentins.
En 2014, a enregistrat doas represas del cantaire francés Renaud, Hexagone e Petite conne.
En 2015, canta L'opportuniste, de e en duo amb Jacques Dutronc, cançon qu'aviá jà represa amb Indochine sul primièr album L'aventurier.
A tanben enregistrat en 2022 un duò amb lo compositor american Moby This Is Not Our World (Aquò es pas nòstre Monde).[2]
Discografia en sòlo modificar
- 1992: Dans la lune...
Cançons mai conegudas modificar
- Alice dans la lune (1992, represa en francés de Brand New Life de Young Marble Giants)
- Hexagone (2014, represa de Renaud)
- This Is Not Our World - Ce n'est pas notre Monde (2022, en duò amb Moby)