Mausson
Mausson o Mauçon es un riu de la region d'Occitània e del departament d'Erau que raja long de la limita occidentala de la vila de Montpelhièr, aprèp aver tocat La Palhada, per s’escampar puòi dins Les, au Gramenet, en fàcia de Las Cabanas.
| Mausson | |
|---|---|
 | |
| Caracteristicas | |
| Longor | 39,3 km |
| Bacin | 768 km2 |
| Bacin collector | Les |
| Debit mejan | 1,1 m3⋅s-1 (Montpelhièr) |
| Regim | mediterranèu |
| Riu | |
| Font | Montarnaud |
| S'escampa dins | en partida dins Les e l′estanh de l'Arnèl |
| Geografia | |
| Païses traversats |  França
|
Toponimia modificar
Las atestacions anciana son Amentio en latin e Amenson en "roman" (occitan ancian).[1]
Geografia modificar
Fa 39,3 km de longor. A sa font dins la garriga de Montarnaud, au nòrd èst de Montpelhièr, a 155 m d′altitud, e passa las comunas de Valhauqués, Combalhòus e Grabèls jos forma d'un rèc.
A partir de Grabèls e long dau quartier montpelhierenc de La Palhada, son cors es encastrat. Au passatge de Juvinhac, se tròba en plana e passa las roïnas d′un punt roman situat en fàcia dau castèl Bonièr de la Mausson a Montpelhièr.
Entre las comunas de La Veiruna e de Sant Joan de Vedats, un espaci de gaireben 250 mètres de cada costat dau riu es pas bastit, dins una zona pasmens densament poblada, signe de segur de las aigadas dau riu.
La Mosson es de nòu encastrada entre Sant Joan de Vedats, Fabregas e Vilanòva de Magalona abans de venir larg al passar plana de Maurin, sul territòri de la comuna de Latas. Aquel alargiment se deu au pichon penjal e près de l′estanh d′Arnèl ont s′escampa en partida. Un braç de la Mausson s′escampa dins Les.
Comunas traversadas modificar
Dins lo sol departament d'Erau (34), Mausson passa quatorza comunas:
- d′amont cap aval: Montarnaud (font), Valhauqués, Murlas, Combalhòus, Grabèls, Montpelhièr, Juvinhac, La Veiruna, Çaussan, Fabregas, Sant Joan de Vedats, Latas, Vilanòva de Magalona
Idrografia modificar
Es dins aquela zona qu′en 2002 e 2003, de chavanas provoquèron d′aigadas excepcionalas. Una petita partida de las digas aparant Vilanòva de Magalona e Maurin se trenquèron pendent de chavanas cevenòlas.
En temps normal e estiu, la Mausson es un cors d′aiga. Mas, coma nombre de cors d'aiga mediterranèu, es fòrça dangierós par temps de fòrtas pluèjas coma Les, l′autre cors d′aiga principal de la region de Montpelhièr.
Divers modificar
A Grabèls i a la font d′Avin. Aquela font es blava que 200m mai luènh s′escampa dins la Mausson.
Vejatz tanben modificar
- lo Les