Maria del Mar Bonet
Maria del Mar Bonet i Verdaguer es una cantautora malhorquina nascuda a Palma (Illas Balearas) lo 27 d'abril de 1947. Amb lo catalan Lluís Llach e lo valencian Raimon es una de las representantas mai conegudas e emblematicas de la lenga catalana, de la musica e de la cultura dels Païses Catalans internacionalament.
Es sòrre del cantautor Joan Ramon Bonet. Estudièt la ceramica a l'Escola d'Arts i Oficis pasmens acabèt que se consacrèt d'a fons a la cançon. Arribèt a Barcelona en 1967, ont comencèt a cantar amb los Setze Jutges. En 1968 una de sas cançons mai emblematicas Què volen aquesta gent? patirà la censura del regim franquista e serà enebida.
Dempuèi aquel temps, a editat de disques de musica fòlc e d'estandards de jazz en catalan. A mai, a realizat maites concèrts dins divèrsas localitats d'Euròpa, d'Africa del Nòrd e d'America, en s'implicar tanben d'un biais prigond dins lo domeni de la recèrca de formas artisticas novèlas. Dins aquela dralha de recèrca e simbiòsi de musicas del sud d'Euròpa collaborèt amb fòrça artistas de l'airal mediterranèu coma per exemple l'Ensemble de Musique Traditionnelle de Tunis, lo musician turc Zulfu Omar Livanelli o lo grop valencian Al Tall.
En 2004 son album Amic, Amat recebèt lo Premi de la Música Ciutat de Barcelona e la Medalla d'Or de Mallorca.
Es a mai pintora e a editat un libre amb de poèmas e de pinturas sias.
Discografia modificar
- 1969: Maria del Mar Bonet
- 1971: Maria del Mar Bonet
- 1974: Maria del Mar Bonet
- 1975: A l'Olympia
- 1976: Cançons de festa
- 1977: Alenar
- 1979: Saba de terrer
- 1979: Quico-Maria del Mar (amb Francesc Pi de la Serra)
- 1981: Sempre
- 1981: L'àguila negra
- 1981: Jardí tancat
- 1982: Breviari d'amor
- 1982: Cançons de la nostra mediterrània (amb Al Tall)
- 1985: Anells d'aigua
- 1987: Gavines i dragons
- 1989: Ben a prop (amb Manel Camp)
- 1990: Bon viatge faci la cadernera
- 1990: Coreografies
- 1993: El·las
- 1995: Salmaia
- 1997: Primeres cançons (reedició)
- 1997: El cor del temps
- 1999: Cavall de foc
- 2001: Raixa
- 2001: Cants d'Abelone (amb Rafael Subirachs)
- 2003: Collita pròpia
- 2004: Amic, amat
- 2007: Terra secreta
- 2010: Bellver
- 2011: Blaus de l'Ànima, més de 20 anys ben a prop (amb Manel Camp)
- 2013: Fira encesa (recuèlh de poemas musicats de Bartomeu Rosselló-Pòrcel)
- 2017: Ultramar
- 2020: Maria del Mar Bonet amb Borja Penalba