Lenga internacionala

Una lenga internacionala es una lenga utilizada e reconeguda dins las institucions internacionalas per sos locutors e per de personas que l'utilizan coma segonda o tèrça lenga.

Es de destriar del concèpte de lenga veïculara.

Lista de las 6 lengas oficialas de l'ONU

Aquela definicion es restrictiva. Sonque qualques lengas pòdon èsser consideradas coma internacionalas:

- l'anglés (amb una preeminencia sus totas als autras)

- lo francés ( en regression mas que se manten çaquelà)

- l'espanhòl (relativament flac s'òm considera lo nombre de sos locutors natius)

- lo rus (amb la restriccion qu'es practicament pas utilizat per de ciutadans de païses qu'èran pas dins l'URSS)

- l'arabi (que possédís un vertadièr potencial mas qu'es encara a un estadi d'internacionalizacion minora. Se tròba tanben en competicion amb l'anglés e lo francés sus son pròpri territòri)

- lo chinés ( qu'ensaja de desvolopar sas posicions mas que demòra encara ben pauc internacionalizat)

Discussion

Qualques autras lengas pòdon pretendre a aquel estatut.

- lo portugués qu'es una lenga majora del mond.

- l'hindi (indi) qu'ensaja de s'internacionalizar (lo govèrn indian ensajèt de ne far la setena lenga oficiala de l'ONU) mas qu'es empedegat per la concurrencia de l'anglés.

- lo malés

- lo swahili