L'infart miocardiac qu'es la necròsi deu muscle cardiac, de las cellulas miocardiacas, per l'embarri d'ua o mantuas artèrias coranàrias per un calhòt de sang. Lo mei sovent, qu'es ua placa ateromatosa que's rompa e envia embolias de colesteròu en vath d'eras. Au contra de l'angor (o asthma cardiac), l'infart n'es pas ua simpla anoxia de la cellula miocardiaca on que pòt tornar ua circulacion normala. Se's deisha s'instalar l'infart shens nat tractament, la necròsi cellulara que sia definitiu, lo teishut que sia fibrotic e non contractil.

Traças d'un infart miocardiac sus una mòstra de muscle cardiac.

Factors de risques modificar

  • Infart miocardic hens la familha au prumèr grad
  • Atge òme>45ans, hèmnas> 55ans
  • colesteròu dab un LDL eslevat
  • diabete
  • Tabac
  • ipertension
  • obesitat e sedentaritat

Estudis que dison los mediterranèus qu'estossen protegits contre l'infarct miocardic pr'amor de la loa alimentacion, com la cosina dab òli d'oliu. Mes un aut estudi que cambièc aqueste vesaire, que seré la genetica mediterranèa que hassosse la proteccion deus gèns deu sud contre los deu nòrd.

Diagnostic clinic modificar

L'infarct caracteristic qu'arriba dab ua dolor aguda, toracica, com un estòc, qu'irradia entà la maishèra e tanben entà'u braç esquerra. Aquera dolor ne's estanca pas dab la pretza de trinitrina ne tanpòc dab lo repòs. Lo malaut tipic qu'es un òme de mei de 55 ans que l'agrada lo minjar, lo béver e la humada. Totun que pòt arribar aus joves, a las hèmnas tanben.

Examen complementari modificar

  • Electrocardiograf : que sufeish sovent ende establir lo diagnostic. Que muisha un sus'decalatge deu ST a las regions cardiacas tocadas e après quauques òras, qu'arriba ua onda Q de necròsi.
  • Biologia : qu'es hèra importanta ende estar segur davant signes. Se'us simptòmas semblan a l'infarct mes ne tròban pas nat signe suu ECG, que cau dosar la troponina shèis òras après la prumèra dolor. Senon que's pòt trobar negatiu medish dab un vertadèr infart.

Diagnostic diferenciau modificar

  • las dolors toracicas: pericarditi aguda, embolia pulmonara, disseccion aortica, lo pneumotorax
  • patologia abdominau: ulcèra gastroduodenala, reflux gastro-esofagian

Tractament modificar

  • endo-vascular: qu'es lo gòld standart, la coronarogafia qu'es un examen diagnostic e tanben terapeutic. La chisclada d'iòde hens coronàrias que muisha regions non pas vascularizadas en devath radiogafia. Ende tornar botar aquera vascularizacion, que pòdem sonque en.hlar un balonet hens l'artèria ende dilatar o tanben installar un stent, un canèr que dilata e's còla a la paret de l'artèria
  • cirurgicau: que's hè quan las artèrias coronàrias son hens un maishant estat e n'es pas possible de tot dilatar, Lo pontatge qu'es la presa de veas de las camas ende har ua derivacion de las artèrias hèra malaudas.
  • medicau:

Complicacions modificar

  • Tròble deu ritme
  • Tròble de la conduccion