Illas Canàrias

Las Illas Canàrias (en castelhan: Islas Canarias) son un archipèla de sèt illas majoras, quatre illas menoras e dos illons volcanics de l'ocean Atlantic, situats al nòrd-oèst del continent african, pus precisament davant las còstas de Marròc e del Sahara Occidental. Se tròba entre los 27° 37' e 29° 23' de latitud Nòrd, e entre los 13° 20' e los 18° 16' de longitud Oèst. Administrativament, constituisson una comunautat autonòma d'Espanha amb lo nom de Canàrias. I a doas capitalas: Santa Cruz de Tenerife e Las Palmas de Gran Canaria.

Illas Canàrias

Las Islas Canarias (es)
Bandièra Escut d'armas
Imne	Himne de Canàries (ca)  (28 d'abril de 2003 )
Devisa	(cap)
Nom oficial	Las Islas Canarias (es)
Entitat	comunautat autonòma d'Espanha
Administracion
Estat	Espanha
Capitala	Santa Cruz de Tenerife e Las Palmas de Gran Canaria
Lenga oficiala	espanhòl
Politica
• Cap d'Estat	Angel Victor Torres Perez (ca)
Organ legislatiu	Parlament de Canàries (ca)
Geografia
Coordenadas	28° 32′ 10″ N, 15° 44′ 56″ O
Superfícia	7 447 km²
Banhat per	Ocean Atlantic
Punt culminant	Teide (3 715 m)
Fus orari	UTC±00:00 (ora estandard) UTC+01:00 (ora d'estiu) Atlàntic/Canàries (ca)
Demografia
• Totala	2 025 951 ab. (2021 )
Istòria
Anterior	província de les Canàries (ca)
Autras informacions
Còdi postal	CN
Domeni Internet	.ic (ca)
ISO 3166-2	ES-CN
Sit web	gobcan.es

Geografia

Las illas Canàrias son un archipèla situat dins l'Ocean Atlantic, al nòrd-Èst de la còsta d'Africa. L'archipèla forma l'ecoregion macaronesiana amb los Açòres, Cap Verd, l'archipèla de Madèira e las Illas Salvatjas. L'illa canària mai prèpa del continent se tròba a 108 km del nòrd-oèst de la còsta africana.

L'archipèla de las Canàrias es format per las sèt illas majoras:

• Tenerife (capitala Santa Cruz de Tenerife);
• Grand Canària (capitala Las Palmas de Gran Canaria);
• Lanzarote (capitala Arrecife);
• La Palma (capitala Santa Cruz de La Palma);
• La Gomera (capitala San Sebastián de La Gomera);
• El Hierro (capitala Valverde);
• Fuerteventura (capitala Puerto del Rosario)

Mapa de las Canàrias (en espanhòl)

Las quatre illas menoras:

• La Graciosa, la sola poblada (d'aperaquí 600 ab.)
• Lobos;
• Alegranza;
• Montaña Clara

e dos illons:

• Ròc de l'Èst;
• Ròc de l'Oèst

Cultura

La cultura canària se compausa de dos jaces entrebescats:

• Lo rèirefons guanche (berbèr) constituís la cultura d'origina de l'archipèla. Lo guanche (berbèr) se parla pas pus mas a laissat de traças dins l'espanhòl actual amb de noms pròpris, de tèrmes, de formulas e de noms emblematics. Lo guanche auriá coexistit amb l'espanhòl e auriá desparegut al sègle XVIII.
• L'aportacion coloniala europèa, a partir del sègle XIV, puèi la conquista per Castelha de 1402 a 1496, an generalizat l'usatge de la lenga espanhòla e de la religion catolica.