Hestejada de Pau Casals
La Hestejada de Pau Casals o Hestejada de Prada qu'ei un eveniment annau e vodat au violoncèl creat peu violoncelista catalan Pau Casals.
Que s'escad a Prada de Conflent en Catalonha septentrionau on Casals e s'èra exiliat arron l'establiment de la dictatura franquista en Catalonha meridionau. En signe de protestacion, Casals qu'arrefusava de jogar en public en dehòra d'aquesta vila e la hestejada que ho creada en 1950 entà portar l'activitat musicau de cap au mèste puish qu'eth no's mudava pas brica.
La hestejada que s'escad en estiu dab concèrts en mantuns lòcs com, per exemple, l'Abadia de Sent Miquèu de Cuixà.
