Héroes del Silencio
Héroes del Silencio (de còps simplificat en Héroes o sonque per las loas inicialas HDS) qu'èra un grop de ròck espanhòu basat a Saragossa (Espanha), iniciaument format au bèth miei de las annadas 80 per Juan Valdivia (guitarra sòlo), Enrique Bunbury (cant e guitarra ritmica), Joaquín Cardiel (bassa) e Pedro Andreu (bateria). Qu'an conegut un gran succès en Espanha e en America latina, en an tanben avut un pauc de resson dens mantuns païses europèus coma França, Itàlia e Alemanha, hasent d'eres l'un deus grops los mès populars de l'istòria deu ròck espanhòu. Après dotze ans pendent los quaus an venut mès de sheis milions de disques dens mès de trenta sèt païses e ont t'i hasquèren tanben mès d'un milèr de concèrts, lo grop que's separèc en 1996.
Qu'èran coneguts entà aver un paréisher a la simbolica hòrta (son pròishes del gotic)[1], dambe cançons a las paraulas de còps ambigüas, d'arpègis complèxes e ua solida basa ritmica. Las influéncias evocadas que van d'escrivans coma William Blake e Charles Baudelaire au nivèu literàri, a grops britanics coma Led Zeppelin e The Cult per la musica.
Los quate albums estúdios qu'a sortit Héroes del Silencio que son estats botats per la revista musicau Al Borde dens la lista deus 250 melhors de tostemps deu ròck Iberoamerican : Senderos de traición (n° 5), Avalancha (n° 35), El espíritu del vino (nº 117) e El mar no cesa (n° 119).
La cançon la mès coneguda de Héroes del Silencio en Occitània qu'i estèc un tube en 1992 se ditz Entre dos tierras.
Entre dos tierras (publicada peu prumèr còp en 1990) qu'ei estada tanben considerada per la revista numerica Satélite Musical coma la dètz e navau melhora cançon de tostemps entau ròck ispanic.
La revista Rolling Stone qu'a classat en 2012 Héroes del Silencio com dusau melhor grop de ròck espanhòu de l'istòria.
En 2007, que son estats aunorats per l'ostau de disques EMI en reconeishença d'aver venut mès de sheis milions d'albums, en mès d'aver recebut per la jurada lo Premio Ondas especiau la medisha annada.
Discografia modificar
- 1988: El mar no cesa
- 1990: Senderos de traición
- 1993: El espíritu del vino
- 1995: Avalancha
Cançons mai conegudas modificar
- Entre dos tierras (1990)
- Maldito duende (1990)
- La chispa adecuada (1995)