Grand Jòc
Lo Grand Jòc es una expression que designa la rivalitat coloniala entre l'Empèri Rus e l'Empèri Britanic en Asia dins lo corrent dau sègle XIX, magerament de 1813 a 1907. Fins a la formacion de l'Entenduda, entraïnèt de tensions importantas e d'afrontaments indirèctes entre lei dos estats mai ges de conflictes dirècts franc de la Guèrra de Crimèa. Aguèt de consequéncias importantas sus la definicion dei frontieras de mai d'un estat asiatic, especialament Iran, Afganistan e China.