Lo golf d'Oman (en arabi خليج عمان, Khalij Oman) és la dintrada nòrd-occidentala de la mar d'Arabia que, per l'estrech d'Ormuz, comunica amb lo golf Persic. Fa prèp de 560 km de long, 320 km de larg e una prigondor mejana de 50 m a l'oèst fins a 200 m a l'èst.

Localizacion del golf d'Oman
Ciutat de Masqat sul golf d'Oman

Coma via d'accès al golf Persic, lo golf d'Oman a una granda significacion estrategica, perque los estats del Golf an d'importantas resèrvas de petròli, vitalas per l'economia mondiala.

Lo golf d'Oman banha, al nòrd, las còstas d'Iran, a l'oèst aquelas dels Emirats Arabis Units e, al sud, aquelas d'Oman, ont se tròba Masqat, la principala vila sus la riba. Cap a l'èst se dubrís fins a jónher l'ocean Indian.