Geografia militara
La geografia militara es un corrent intellectuau que cèrca d'adaptar leis otís e lei concèptes de la geografia (climatologia, idrologia, urbanizacion, geografia sociala, geografia culturala, etc.) a un usatge militar. La disciplina se desvolopèt principalament après la desfacha francesa de 1870. D'efiech, l'abséncia de cartas precisas èra estada un factor de l'inferioritat de l'armada francesa. Lo movement conoguèt una certana popularitat fins a la Segonda Guèrra Mondiala avans de declinar au profiech de disciplinas coma la geoestrategia, la geopolitica e la geografia politica. Pasmens, conoís una renaissença importanta dempuei la fin dau sègle XX, mai que mai dins lei país anglosaxons, en causa de la multiplicacion dei conflictes e deis operacions de mantenement de la patz dins de regions complèxas.