Garda personala
Una garda personala es una unitat militara destinada a la proteccion raprochada d'una personalitat importanta. Atestada tre l'Antiquitat, aqueu tipe d'unitat es sovent constituïda de soudats d'elèit mai pòu existir de cas de garda d'aparat sensa valor militara vertadiera. Sa talha e seis armaments son fòrça variables. Per exemple, dins l'Empèri Roman, la garda pretoriana èra constituïda de plusors miliers de legionaris e son utilizacion dirècta sus lo prat batalhier èra frequenta. En revènge, lo Grop de Seguretat de la Presidéncia de la Republica Francesa es un grop reduch de mens d'un centenau d'òmes unicament equipats d'armas de fuòc leugieras.