Gara d'Albi Magdalena

La gara d'Albi Magdalena es la segonda gara de viatjaires d'Albi[1]. Èra situada sus la Linha Castèlnòu d'Arri - Rodés.

La gara.

La gara modificar

Foguèt creada jol nom d'Albi Miègjorn coma cap de linha d'Albi-Carmauç bastida de 1855 a 1857, per desservir las minas de carbon de Carmauç, alara proprietat del marqués de Solages. La linha inaugurada lo 7 de decembre de 1857 èra expleitada per la companiá del Camin de fèrre de Solages. Totjorn en activitat sus la linha Tolosa - Rodés, la gara d'Albi Magdalena permet de desservir lo quartièr de la Magdalena, quartièr d'Albi alunhat d'Albi centre, e tot lo nòrd del país d'Albi (Castèlnòu de Lèvis, Canhac de las Minas, L'Escura d'Albigés). Lo bastiment actual de la gara data de 1899.

Interès novèl modificar

Segonda gara d'Albi, qu'es atal la primièra en data (perque foguèt bastida prèp de detz ans abans aquela d'Albi vila), la gara d'Albi Magdalena a un novèl interès. Sa preséncia permet als usatgièrs de la riba drecha d'Albi d'aver pas a passar de ponts sovent encombrats per anar prendre lo tren. Una realitat que lo conselh regional de Miègjorn-Pirenèus e la vila d'Albi prenguèt en compte. La gara d'Albi Magdalena foguèt pas abandonada, paür de contunh a Albi, mas foguèt modernizada [2] e lo parcatge agrandit.

Font modificar

  • (fr) La Vie du Rail, n° 3124, 10 octobre 2007, p. 34.

Notas modificar

  1. L'autre gara es Albi Vila, sus l'autra riba du Tarn.
  2. (fr)http://www.ladepeche.fr/article/2009/01/05/516788-la-gare-albi-madeleine-soigne-son-service-au-public.html