Fred Rister
Fred Rister, de son nom vertadièr Frédéric Riesterer, foguèt un productor, compositor de musica electronica e adobaire francés, tanben animator ràdio e discjòquei,[1] nascut lo 19 de junh de 1961 a Malo-les-Bains (Nòrd de França) e mòrt d'un càncer lo 20 d'agost de 2019 a Tourcoing.[2]
Al debut de las annadas 1990, comença d'aver de succès per sas composicions musicalas eurodance, composicions comunas ambe Jean-Patrick Allouche e l'adobaire Bruno Sanchioni (sòci de B.B.E. e de Age of Love), ambe de tròçes en anglés interpretats per la cantaira Abyale, I Wanna be Your Lover Too en 1991, e sustot I don't talk about L.O.V.E. en 1992,[3] que foguèron de tubes vertadièrs en França.
De caps 1997-1998, jos l'escais de Mory Klein, participa al projècte tècno Ixxel qu'obten dos tubes en França, Alleeez (al mes de junh de 1997) e Drop that beat (novembre de 1998).
Es tanben reconegut internacionalament per aver coproduch e compausat nombroses tròces venguts capitadas a l'escala mondiala de David Guetta dempuèi las annadas 2000, coma per exemple en 2007 Love Is Gone [4] e Baby When the Light,[5] o encara I Gotta Feeling en 2009, títol compausat especialament pels Black Eyed Peas.[6]
A tanben produch en 2005 lo mitic album Darkside per sa femna Isabel Algarvio-Riesterer dicha Anaklein.
Del temps ont èra animator ràdio, s'es ligat d'amistat ambe lo discjòquei Joachim Garraud.
Referéncias modificar
- ↑ 10 choses à savoir sur Fred Rister, le complice de David Guetta https://france3-regions.francetvinfo.fr/hauts-de-france/nord-0/dunkerque/plus-celebre-inconnus-10-choses-savoir-fred-rister-complice-david-guetta-decede-ce-mardi-1712751.html
- ↑ Obsèques de Fred Rister : un millier de personnes, et son ami David Guetta, pour un dernier hommage https://www.lavoixdunord.fr/629759/article/2019-08-28/dunkerque-l-eglise-saint-eloi-se-prepare-pour-les-obseques-de-fred-rister
- ↑ Abyale, I don't talk about L.O.V.E., meilleure position : n° 28 du Top Singles France, entré dans le Top le 02/03/1992 https://www.chartsinfrance.net/Abyale/I-Don-t-Talk-About-Love-sc1389.html
- ↑ David Guetta, Love Is Gone, meilleure position : n° 3 du Top Singles France, entré dans le Top le 25/06/2007 https://www.chartsinfrance.net/David-Guetta/Love-Is-Gone-sc6274.html
- ↑ David Guetta, Baby When the Light, meilleure position : n° 6 du Top Singles France, entré dans le Top le 22/10/2007 https://www.chartsinfrance.net/David-Guetta/Baby-When-The-Light-sc6395.html
- ↑ Black Eyed Peas, I Gotta Feeling, meilleure position : n° 2 du Top Singles France, entré dans le Top le 28/09/2009 https://www.chartsinfrance.net/Black-Eyed-Peas/I-Gotta-Feeling-s6887.html