François Asselineau
François Asselineau (París, 14 de setembre de 1957) es un politician francés. Ancian inspector general dins lo ministèri de las Finanças francés, foguèt en 2001 elegit conselhièr de París dins lo 19en arrondiment jos l’etiqueta del partit sobeiranista RPF.[1] Creèt en març de 2007 l’Union Populara Republicana (en francés Union Populaire Républicaine) que pròna la sortida de l’estat francés de l’Union Europèa, de l’Eurozòna e de l’OTAN. Sos resultats electorals son estats pro limitats qu’obtenguèt sonque 0,58% dels sufragis a las eleccions legislativas parcialas de junh de 2013 en Òlt e Garona[2] e 0,58% en Illa de França a las Eleccions Europèas de 2014[3]
Se ditz un adversari fervent de la "preponderància de la lenga anglesa", mas es tanben complètament opausat a las lengas minoritàrias de l'estat francés.
François Asselineau e son partit denóncian una censura dels mejans de comunicacion, e mai recentament de la Wikipèdia en francés que, en seguir la politica editoriala contra la manca de notorietat e de fonts independentas, sa pagina i es frequentament escafada. L'activisme de militants de l'UPR per ensajar d'aumentar l'interès dels mèdias per Asselineau e l'UPR es notat per mantun observator.
En 2017 es candidat a la presidéncia de la Republica francesa. Obten mens de 1% de las voses al primièr torn. En 2022 es candidat mas reçaup pas las 500 signaturas necessàrias.
Referéncias modificar
- ↑ "Élections municipales de 2001 à Paris". Wikipédia, l’encyclopédie libre (en francés)
- ↑ "Troisième circonscription de Lot-et-Garonne". Wikipédia, l’encyclopédie libre (en francés)
- ↑ "Élections européennes de 2014 en France". Wikipédia, l’encyclopédie libre (en francés)