Fernandel

Fernandel de son nom vertadièr Fernand Joseph Désiré Contandin, (Marselha, lo 8 de mai de 1903 - París, lo 6 de febrièr de 1971) foguèt un actor e cantaire occitan de Provença fòrça famós que foguèt durant mantun decenni una star dau cinèma francés.

Fernandel en 1970

Nascut baloard Chave a Marselha, sa familha èra sortida de Peirosa, un vilatge de la Vau Cluson, una dei Valadas Occitanas de la Província de Turin (estat italian) Comencèt dins lo music-hall. Coma actor se destaquèt en particular dins Lo Schpountz, L'Aubèrga roja, Ali Baba e los Quaranta raubaires, La Cosina au burre, Don Camillo, La Vaca e lo Presonier, Naïs, Benastrós cu coma Ulisses. Coma cantaire, marquèt lo public ambé sei cançons Félicie e Lo tango còrse.

En 1954 subre la cadena de ràdio France Inter declarèt conéisser lo provençau per sa familha e parlèt de son estacament per l'òbra en provençau de Frederic Mistral e en tot regretar lo recul de la lenga qu'expliquèt de pas aver enregistrat ges de sei tèxtes perque una traduccion en francés auriá fach pèrdre fòrça valor au tèxte e qu'en provençau paucs l'aurián escotat.