Fabulous Trobadors
Fabulous Trobadors es un grop de musica tolosenc, estacat al quartièr Naut Bernat e fondat en 1987, qu'a desvolopat un estil particular basat sul folclòre occitan e los ritmes del nordeste brasilièr.
Claudi Sicre compausa los tèxtes e "rappa", mentre que Ange B. (Jean-Marc Enjalbert a la vila) rappa tanben e jòga lo human juke-box en produsent de nombroses sons amb la sola ajuda de sa boca (beats, scratchs, trompeta, guitarra, etc). Los tèxtes de cèrtas de lors cançons son escriches en occitan. Pendent lors concèrts, una bona partida es en improvisacion, jos forma de jotas verbalas o duals de tchaches, tot drech eissits de la "tençon" dels trobadors occitans. L'espectacle es tanben dins la sala, perque de nombrosas danças folcloricas s'i debanan.
