Emili Marinhan
Emili Marinhan (en francés Émile Marignan; Marsilhargues, 1 de genièr de 1847 - Marsilhargues, 15 d'abril de 1937) foguèt un mètge, etnograf, letraferit e escrivan occitan de Lengadòc que foguèt a l'origina de la creacion del Musèu Arlatenc.
| Emili Marinhan | |
 Retrach d'Emili Marinhan cap a 1902 | |
| Nom de naissença | (fr) Émile Pierre Marignan  |
|---|---|
| Naissença | 1 de genièr de 1847, Marsilhargues |
| Decès | 15 d'abril de 1937, Marsilhargues |
| Occupacion | mètge, etnograf, letraferit e escrivan |
Biografia modificar
Emili Marinhan nasquèt a Marsilhargues en 1847. Foguèt oficièr de l'Instruccion Publica e cavalièr de la Legion d'Onor. Amic personal de Frederic Mistral, foguèt el qu'ideèt la creacion del Musèu Arlatenc a partir de son experiéncia aquesida dins lo Musée National d'Ethnographie del Trocadéro a París e ne foguèt un dels sèt creadors en 1896. Obtenguèt lo primièr prèmi en 1898 per son òda a Jansemin. Venguèt membre de la Societat de Preistòria Francesa en abril de 1905. A Montpelhièr se trachèt de la creacion del Fogau Montpelhierenc que i porgiguèt mantes documents etnologics del país d'Erau. Faguèt de cercas dins la necropòli de Cantaperditz a Calvisson entre 1911 e 1912. Aguèt tanben un ròtle essencial dins las descobèrtas del sit d'Ambrussum. Èra un amic intim d'Arsèni Vermenosa.