Dmytrò Iàrosh
Dmytrò Anatolíovych Iàrosh (en ucraïnian: Дмитро Анатолійович Ярош; en transcripcion internacionala: Dmytro Yarosh; Dniprodzerzhýnsk, region de Dnipropetròvsk, 30 de setembre de 1971) es un politician e activista politic d'extrèma drecha ucraïnian.
Es actualament lo menaire de l'organizacion ultranacionalista sonada Sector Drech (en ucraïnian: Правий сектор), que sos membres joguèron un ròtle vesedor dins las manifestacions EuroMaidan que se debanèron de novembre de 2013 a març de 2014.
Malgrat aqueste imatge de fòrta preséncia sociala, lo carisma e l'influéncia de la formacion politica e de Iàrosh, son menaire, dins la societat ucraïniana son pro limitats coma se poguèt observar amb sos resultats inferiors a 1%, obtenguts durant l'Eleccion presidenciala ucraïniana del 25 de mai de 2014.
En abril de 2014, aprèp l'invasion de Crimèa e la crisi deguda a l'insurreccion pro-russa del Donbàs, lo govèrn rus demandèt que Dmytrò Iàrosh faguèsse l'objecte d'un mandat d'arrestacion internacional per "incitacion publica a d'activitats extremistas e terroristas en utilizar los mejans de comunicacion". Lo mandat internacional foguèt emés lo 25 de julh de 2014, çò que fa del dirigent ultranacionalista actualament la sola persona cercada mondialament dins lo contèxt de conflicte bellic entre Ucraïna e Russia.