Conestable

Un conestable èra un oficier militar superior dins li armadas medievali en Euròpa Occidentala. Avia generalament per mission de comandar una armada e de tenir un tribunau destinat a jutjar lu conflictes entre cavaliers. Lo conestable de França foguèt ensin lo cap dei armadas reiali dau sègle XIII^en au 1627. La carga èra a vida mas non èra ereditària. En la Peninsula Iberica, la carga evoluissèt per venir ereditària e onorifica, generalament durant lo siècle XV^en. En Anglatèrra, la foncion conoissèt una evolucion pus radicala emb l'aparicion dei constables, d'oficiers comunaus encargats de l'execucion dei lèis e dau manteniment de l'òrdre public.

Ligams intèrnes

• Conestable de França

Bibliografia

• Marie-Nicolas Bouillet e Alexis Chassang (dir.), « Connétable » dins Dictionnaire universel d’histoire et de géographie, 1878.
• Jean-Charles Varennes, Quand les Ducs de Bourbon étaient Connétables de France, París, Fayard, 1980, 345 p.