Comunisme de guèrra
Lo comunisme de guèrra es una expression que designa lei mesuras adoptadas per lei bolchevics entre 1918 e 1921 durant la Guèrra Civila Russa. Aviá per objectiu de permetre au govèrn centrau de trobar lei ressorsas necessàrias a son esfòrç de guèrra. Inspirat per lo concèpte de dictatura dau proletariat, èra basat sus la nacionalizacion deis industrias e dau comèrci, una produccion planificada d'un biais centralizat per lo govèrn, una disciplina estricta dei trabalhaires, lo trabalh obligatòri dei païsans, l'interdiccion de l'entrepresa privada, la requisicion dei produchs agricòlas e lo racionament dei viures segon lo ròtle sociau deis individús.
La polícia e l'armada foguèron encargadas d'aplicar aquelei mesuras e leis abüs foguèron fòrça nombrós. Aquò permetèt ai bolchevics d'avitalhar sei fòrças armadas e de véncer. Pasmens, lei mesuras entraïnèron de faminas dins la màger part dei vilas e lo prolongament d'aquelei mesuras en delà de la guèrra apareguèt impossible. En març de 1921, lo Xen Congrès dau Partit deviá donc examinar de mesuras novèlas per lei remplaçar. Aguèt luòc dins un contèxte de tensions extrèmas car la famina aviá entraïnat, quauquei jorns avans sa dubertura, la revòuta de la basa navala de Cronstadt. Au finau, lei bolchevics menats per Lenin adoptèron la Novèla Politica Economica (NEP). Constituïda d'un ensemble de mesuras de liberalizacion economica, permetèt de redreiçar l'economia e d'amaisar lei tensions.
Liames intèrnes modificar
Bibliografia modificar
- (en) Alan M. Ball, Russia's Last Capitalists: The Nepmen, 1921-1929, University of California Press, 1990, pp. 10-38.