Los Ciclids son una familha de peisses qu'aparten al sosòrdre dels Labroidei, que compta tanben de familhas coma los Pomacentrids (Peis palhassa) o los Escarids (Peis papagai).

Aquesta familha compòrta mai de 200 genres e entre 1 600[1] e 1 800 espècias, repartidas principalament en Africa, en America centrala, America del Sud, Tèxas (una espècia), Israèl, Madagascar, Siria, Iran, Sri Lanka e sus las còstas sud de las Índias. Fòrça espècias son importadas e de còps elevadas en Euròpa dins d'aqüaris, en rason de lor coloracion viva e de lors comportaments de còps evoluats.

Se compta demest sos membres los mai celèbres l'escalar, l'òscar o encara lo discus.

La desaparicion massiva de las 200 espècias diferentas de ciclids del lac Victòria, espècias que son diversificadas dempuèi 12 000 ans, es una illustracion de las menaças que pesan sus la biodiversitat.

Caracteristicas modificar

Caracteristicas fisicas modificar

  • nadarèlas dorsala e anala constituidas de raions espinoses dins la partida anteriora e mofles dins la partida posteriora.
  • nadarèlas pelvianas dotadas de qualques raions espinoses durs e ponchuts
  • abséncia de dents sul paladar mas preséncia de dents faringianas e dents maxillaras.
  • una sola para de narises (contre doas per la màger part dels peisses)
  • linha laterala interrompuda per la màger part de las espècias, en dos e de còps tres segments.

Comportament modificar

Lo comportament evoluat dels ciclids fascina los aqüariofils. Mesa a part la facultat d'aprendissatge que mòstran en captivitat (en particular per l'oscar, sovent considerat coma l'equivalent aqüatic del can), se pòt citar lor mòde de reproduccion : quand los uòus benefician pas d'una incubacion bucala, mairala, pairala o biparentala, son gelosament susvelhats pels parents, qu'esitan pas a velhar sus lor progenitura longtemps aprèp l'espelison, en ofrent, per certanas espècias, lor boca coma proteccion e mejan de locomocion a la rabalha.

Classificacion modificar

Genres modificar

Segon ITIS e FishBase:

Galariá modificar

  Clicatz sus una vinheta per l’agrandir.

Referéncias modificar

  1. Fishbase consultat lo 22/02/2009

Ligams extèrnes modificar

Suls autres projèctes Wikimèdia :

  • Cichlide38: los Ciclids dels lacs Malawi e Tanganyika