Catherine Lara
Catherine Bodet, dicha Catherine Lara, nascuda lo 29 de mai de 1945 còsta París, a Poissy (França), es una violonista e cantaira francesa, coneguda tanben coma autora, compositritz e productritz musicala.
Lara es lo nom espanhòl de sa menina pairala.
Musiciana precòça talentosa, obten lo primièr prèmi del conservatòri de Versalhas en 1958, puèi lo segond prèmi de violon al conservatòri nacional de París en 1965. En sortissent del Conservatòri de París, fonda un orquestra de cambra, Los Musicians de París, que n'es lo primièr violon e que dirigís pendent uèch ans. En seguida, forma Lo Qüatuor Lara qu'acompanha de cantaires professionals sus l'empont coma Claudi Nogaròu o Nana Mouskouri. Collabòra tanben ambe d'autres grands noms de la cançon francesa coma Barbara, Françoise Hardy o encara Maxime Le Forestier. En 1977, lo quite William Sheller li fa un omenatge dins una de las cançons de son album Symphoman.
Comença d'aver fòrça succès coma cantaira en 1984 ambe lo títol La rockeuse de diamant (presentat a la tota fin de l'annada de 1983). Aurà tanben un autre gròs tube en 1986 ambe la cançon Nuit magique.[1]
Cançons mai conegudas modificar
- Johan (1981)
- La rockeuse de diamant (1984)
- Au milieu de nulle part (1985)
- Nuit magique (1986)
- Encore une fois (1987)
- I.E.O. (1987)
- Ticket bleu (1988)
- Rocktambule (1988)
- Les romantiques (1991)
- Marayeva (2000)