Camptosaurus (grèc "reptil amb de corbas") es un genre de dinosaures ornitopòdes iguanodontians, que visquèron a de fins del periòde Jurassic, fa aperaquí entre 152 a 145 milions d'ans, al Kimeridgian e al Titonian, en çò qu'es uèi America del Nòrd e Euròpa.

Camptosaurus.

Descripicion modificar

Los adults mai grands mesuravan mai de 7 mètres de long e pesavan fins a 4 tonas. Èran capables de levar los sieus còsses pesucs per caminar coma de bipèdas. Las dents d'aqueste dinosaure avián los bòrds plens de pichonas puntas, per destacar lo folhatge dels arbres. Coma las fuelhas èran fòrça duras, las dents se gastavan fins a demorar gaireben lisas. Possedián un bèc cornenc per talhar las escòrças.

Camptosaurus èra un animal pro voluminós per lo sieu grand estomac a ont servava de quilogramas de manjar vegetal. Las siás patas posterioras èran musculosas e fòrtas, mas las anterioras èran pichonas. En consequéncia podiá pas que caminar amb las patas posterioras; e e mai se los òsses de las patas anterioras èran pichons, las articulacions èran fòrtas per suportar lo pes s'èra de besonh. Se podiá quilhar subre las siás patas per aténher lo fulhatge dels arbres nauts, e la siá coa longa e pesuga, li podiá servir d'excellent contrapés.