Bossòst

Bossòst ei ua vila occitana e municipi dera Val d'Aran, en eth terçon de Quate Lòcs. Situat a 710 m d'altitud e ena riba esquèrra de Garona, comptave 1121 abitants en 2022.

Bossòst
Municipi d'Aran,  Occitània
Escut
Bossòst, Val d'Aran.
Administracion
Estat	Espanha
Comunautat	Catalonha
Província	Lhèida
Comarca	Val d'Aran
Terçon	Quate Lòcs
Alcalde	Montse de Burgos Barbé (VVB) (2023-2027)
Geografia
País	Gasconha
Superfícia	28,17 km²
Altitud • Maximala • Minimala	924 m m m
Demografia
Populacion	1 121 ab. (2022)
Densitat	39,79 ab./km²
Autres informacions
Còdi postau	25550

D'interès ei era glèisa romanica d'Era Assompcion de Maria, deth sègle XII.

Glèisa d'era Assompcion de Maria de Bossòst.

Geografia

Aucupe un terrenh accidentat pes contrafòrts dera sèrra que separe era Val d'Aran dera val de Luishon, en es quaus s'encastren, en tot sauvar un desnivèu de 1200 m, es afluents dera Garona pera quèrra (arrisses de Peira-ròia, Casteràs, de Marra, de Casteths), e pera sèrra de Montlude, er arriu de Margalida pera dreta.

Era vegetacion naturau (bòsqui de avet, de hèsqui e, as solanes, de roure de huelha grana) aucupe era major part deth tèrme. Era explotacion forestau e era ramaderia son es bases economiques tradicionaus.

Eth 1980 i auie 351 a conreades, mès des 80% prats, e la rèste milhòc, farratge e truhes. I a vacum e ovin. Es mines de blenda de Margalida non son espletades actuauments. I a dus ressèqui, ua planta elaboradora de productes leitèrs e ua centrau electrica.

Era proximitat deth balneari de Banhères de Luishon convertic era vila en lòc d'ostiuatge dempús deth començament deth s XX; actuauments ei eth tresau centre toristic dera Val d'Aran.

Era vila, ar arribatge esquèr de Garona, ei plaçada ath pè deth castèth de Bossòst o era Castèra, fortificacion medievau arroïada. Siguec un centre mercadèr deth baish Aran e eth caplòc deth terçon o alcaldia de Bossòst. Era glèisa parroquiau dera Assompcion, romanica, ei deth s XII; a planta rectangulara, damb tres naus e tres absides.

Demografia

Era poblacion ei de 1121 abitants (2022).

Evolucion demografica

1900	1930	1950	1970	1981	1986
756	897	1063	687	727	784

Istòria

Conses (Alcaldes)

Lista des alcaldes de Bossòst

Periòde		Identitat	Etiqueta	Qualitat
2023	2027	Montse de Burgos Barbé	VVB
2015	2023	Amador Marqués Atés	UA
2003	2015	Francisco Rodríguez Miranda	Independent puish UA-PSC
1991	2003	Felip Delseny Caubet	Independent puish CDA
1983	1991	Hipolito Cruces Socasau	Independent
1979	1983	Francisco Berdie Peremarti	Independent

Eleccions

Eleccions de 2015:

Bossòst 2015
UA:7 CDA:2

L'ajuntament a 9 còssos.

Partit	Vòtes	Percentatge	Còssos
Convergéncia Democratica Aranesa	159	25,69 %	2
Unitat d'Aran	447	72,21 %	7

Eleccions de 2011:

Partit	Vòtes	Percentatge	Regidors
Convergéncia Democratica Aranesa	265	42,74 %	4
Unitat d'Aran	338	54,52 %	5

Simbèls

Blasonament: D’argent, un Fènix, de sable, neishent dera Immortalitat. D’azur, bordadura siglada damb era devisa, en sable: “PULVERE SURGAM CANDIDA PURE ECCE. BOSSÒST”. Timbrat damb corona dubèrta deth sègle xiv des reis d’Aragon.

Escut ancian	Banèra

Ligams extèrnes

• Siti oficiau deth municipi
• Ficha estatistica IDESCAT