Bassa Saxònia
La Bassa Saxònia (var. Baisha Saxònia) (alemand : Niedersachsen; bas saxon : Neddersassen ; frison oriental : Läichsaksen) es un estat (Land) del nòrd oèst Alemanha. Es lo segond pus grand Estat en superfícia, amb 47 624 km2, e lo quatren en populacion (8 milions en 2021) entre los 16 Länder federats en Republica federala d'Alemanha. Dins las zonas ruralas, lo bas saxon del nòrd e lo frison oriental son encara parlats, e mai que de mens en mens.
Niedersachsen (de)  | |
 | |
| Entitat | estat federat d'Alemanha |
|---|---|
| Eponim | Saxons |
| Administracion | |
| Estat | Alemanha |
| Capitala | Hannover |
| Politica | |
| • Ministre-president | Stephan Weil (2013–) |
| Organ legislatiu | Landtag de Bassa Saxònia |
| Membre de | Ret de Bibliotèca Comuna |
| Geografia | |
  | |
| Coordenadas | 52° 45′ 22″ N, 9° 23′ 35″ E |
| Superfícia | 47 614,07 km² |
| Banhat per | Mar del Nòrd badia Alemanya (ca)  |
| Limitròf amb | Brèma Èssa Turíngia Renània del Nòrd-Vestfàlia Groninga Drenta Saxònia-Anhalt Meclemborg-Cispomerània Brandeborg Schleswig-Holstein Amborg Overijssel |
| Altitud mejana | 13 m[1] |
| Punt culminant | Wurmberg (971,2 m) |
| Fus orari | UTC+01:00 (ora estandard) UTC+02:00 (ora d'estiu) |
| Demografia | |
| • Totala | 8 003 421[2] ab. (31 de decembre de 2021 ) |
| • Densitat | 168,09 ab./km² |
| Istòria | |
| Anterior | Estat de Hannover, Braunschweig, Estat Liure d'Oldenborg e Estat Liure de Schaumborg-Lippe |
| Autras informacions | |
| ISO 3166-2 | DE-NI |
| Embessonatges | prefectura de Tokushima (2007–) |
| Sit web | niedersachsen.de |
La Bassa Saxònia confronta la mar del Nòrd, los lands de Schleswig-Holstein, Amborg, Meclemborg-Cispomerània, Brandeborg, Saxònia-Anhalt, Turíngia, Èssa e Ren del Nòrd-Vestfàlia, e los Païses Basses. En mai, l'Estat de Brèma forma doas enclavas al sen de la Bassa Saxònia, una essent la vila de Brèma, l'autra son pòrt maritim, Bremerhaven. La Bassa Saxònia confronta mai de vesins que tot autre Bundesland. Las pus grandas vilas de l'Estat son la capitala de l'Estat Hannover, Braunschweig (Brunswick), Lüneburg, Osnabrück, Oldenburg, Hildesheim, Wolfenbüttel, Wolfsburg e Göttingen.
La Bassa Saxònia es lo sol Bundesland qu'englòba a l'encòp de zonas maritimas e montanhosas. La region nòrd-oèst de l'Estat, sus la còsta de la mar del Nòrd, se sona la Frisa orientala e las set illas de la Frisa orientala son una destinacion toristica presada. A l'extrèm oèst de la Bassa Saxònia se tròba l'Emsland, una region economicament emergissenta mas puslèu pauc poblada, autrecòps dominada par de paluns inaccessibles. La mitat nòrd de la Bassa Saxònia, tanben coneguda coma de plana d'Alemanha del nòrd, es gaireben invariablament plana, levat los relèus leugièrs a l'entorn del Geestland de Brèma. Cap al lo sud e al sud-oèst se tròban las parts nòrd de las nautas tèrras centralas alemandas : las nautas tèrras de la Weser e las montanhas de Harz. Entre los dos se tròban los puèges de Bassa Saxònia.
Istòria modificar
Geografia modificar
Economia modificar
Ligams extèrnes modificar
- ↑ Afirmat dins: GeoNames. Identificant GeoNames: 2862926. Lenga: anglés. Data de publicacion: 2005.
- ↑ URL de la referéncia: https://www.statistik.niedersachsen.de/startseite/.