Atacama Large Millimeter Array
L’Atacama Large Millimeter Array es un interferomètre astronomic compausat de 66 radiotelescòpis de 7 a 12 m de diamètre e d'un superordinator. Installat dins lo desèrt d'Atacama en Chile e intrat en servici en 2011, es la proprietat comuna de l'Observatòri Europèu Austrau, de la Fondacion Nacionala per la Sciéncia e deis Instituts Nacionaus en Sciéncias Naturalas. Es principalament destinat a l'observacion deis ondas milimetricas, en particular :
- a l'estudi de l'Univèrs jove en observant de galaxias distantas.
- a l'estudi de la formacion deis estèlas en observant lei nívols moleculars.
- a l'estudi de la formacion dei planetas.
- a la recèrca d'exoplanetas per astrometria.
- a l'estudi de l'atmosfèra de Vènus e de Mart.
