Alfred Charles Kinsey (Hoboken, Nòva Jersei 1894 - Bloomington, Indiana 1956) èra un entomològ, sociològ e sexològ estatsunidenc. Sens abandonar sas enquèstas zoologicas a l'Universitat d'Indiana, aprofeitèt d'una borça de la Fondacion Rockefeller per estudiar, sus la basa de grandas enquèstas (18 000 personas consultadas), lo comportament sexual uman. Amb sos collaborators Pomeroy e Gebhard, donèt lo resultat de son analisi dins «Sexual Behavior in the Human Male» (1948) e dins «Sexual Behavior in the Human Female» (1953), que, coneguts jol nom rapòrts Kinsey, representèron una estapa scientifica e sociologica per classificar la problematica complèxa de la sexualitat manipulada pels tabós e la lei.

Fichièr:Alfred Charles Kinsey.jpg

Las conclusions obtengudas an en comun una vision racionala de la conduita sexuala e un tust per las concepcions immobilistas de normalitat e anormalitat de la practica sexuala occidentala. Atal provoquèt fòrça detractors, coma la doctora Judith A. Reisman e totes los pensadors crestians conservators e aqueles de drechas.

Moriguèt d'una pneumonia en 1956.

De postum, en 1973, sos continuaires capitèron que l'omosexualitat siá eliminada de la lista de malautiás mentalas de l' American Psychiatric Association, perque mostrèron, per mejan de la nomenada Escala de Kinsey, que mai o mens la grand majoritat de las gents son atiradas per ambedós sèxes a un moment de sa vida.

En 2004 sortiguèt un filme sus sa vida, Dr Kinsey, jogat per l'actor irlandés Liam Neeson.

Publicacions mai importantas modificar

  • New Species and Synonymy of American Cynipidae, al Bulletin of the American Museum of Natural History (1920)
  • Life Histories of American Cynipidae, al Bulletin of the American Museum of Natural History (1920)
  • Phylogeny of Cynipid Genera and Biological Characteristics, al Bulletin of the American Museum of Natural History (1920)
  • An Introduction to Biology (1926)
  • The Gall Wasp Genus Cynips: A Study in the Origin of Species (1930)
  • New Introduction to Biology (1933, revisat 1938)
  • The Origin of Higher Categories in Cynips (1935)
  • Sexual Behavior in the Human Male (1948, reeditat 1998)
  • Sexual Behavior in the Human Female (1953, reeditat 1998)

Referéncias modificar

  • Cornelia Christenson, Kinsey: A Biography, Indiana University Press, 1971
  • Wardell Pomeroy, Dr. Kinsey and the Institute for Sex Research, Harper & Row, 1972
  • James H. Jones, Alfred C. Kinsey: A Public/Private Life, Norton, 1997
  • Jonathan Gathorne-Hardy, Alfred C. Kinsey: Sex the Measure of All Things, London: Chatto & Windus, 1998

Vejatz tanben modificar