Abric de la Magdalena

L'abric de la Magdalena es un jaç preïstoric de Tursac, en Sarladés, dins la region istorica de Peiregòrd e lo departament de Dordonha.

Patrimòni Mondial de l'UNESCO

Es lo site eponim del Magdalenian. A servat un grand nombre d'objèctes d'art mobiliari de la fin del Paleolitic superior. Foguèt descobèrt e excavat per Edoard Lartet de 1863 a 1865.

Fa partida dels «sites preïstorics e caunas ornadas de la val de Vesera» inscriches dins lo Patrimòni Mondial de l'UNESCO.

• 
  «L'enfant de la Magdalena»
• 
  Propulsor «de l'ièna serpanta», en bana de rangièr
• 
  Baston pertusat de la colleccion Edoard Lartet - musèu de Tolosa
• 
  Dent pertusada per pimpalhadura – musèu de Tolosa

Edat Mejana

Lo site foguèt ocupat a l'Edat Mejana. Una glèisa parcialament cavada dins la ròca e las roïnas d'un castèl dominant lo site demòran coma testimòni d'aquel vilatge trogloditic.

• 
  L'intrada de la capèla de Santa Magdalena
• 
  La nau de la capèla de Santa Magdalena
• 
  Lo donjon del castèl de Petit Marzac